No0oly96’s Weblog

Archive for أكتوبر 2008

حملة تنظمها جمعية زهرة لسرطان الثدي ..


تحت رعاية صاحبة السمو الملكي الأميرة نوف بنت سلطان بن عبد العزيز آل سعود، وتنتهي يوم غد  31 / اكتوبر

و اقامت العديد من الفعاليات، وورش عمل مصاحبة هذه الحملة التوعوية في كل من الرياض وجدة وعسير، بهدف نشر التوعية بين سيدات المملكة بأهمية الكشف المبكر عن مرض سرطان الثدي، وكيفية الوقاية منه، وكيفية إدارة أسلوب الحياة الصحي، والدعم النفسي والأسري، وذلك عبر نخبة من الطبيبات المتخصصات، وتم خلال هذه الحملة تدشين معرض “رموز من أمل” والمقام في المتحف الوطني.

برنامج سرطان الثدي

Advertisements

دخلت مدونة TO0OP اثرها مغيره اللوك .. امر انغر ( وش حيثه )

وغيرت اللوك تبعي ومن الحماس غيرت الستايل كله بكبره

<<- ترى محد قالي اغير الستايل :p

يالله عاد وش رايكم بجديدي 🙂

احس المدونه عليه كنادر لماعيات وشراب بهن كشكش خخخخخخخ

بدأ كاي يوم عادي .. قمت من النوم تقريبا الساعه 8:00 بعد العشاء ( البطاله وما تسوي )

كان عندي سلة ملابس ابغسلهن حطيتهن بالغساله ورحت دوغري على غرفةM ( معلومه هذي الغرفه اخ غرفه بالبيت ) وكانت معنا  Sh

واخواني F&A جالسين بالصاله اللي فوق وكل واحد بحجره الاب ومبحلق عيونه وامي نايمه

قلت لـ Sh تجيبلي القهوه من الصاله( وكعادته تقول طيب وتقعد تذل له شوي)

المهم .. الشابين اللطيفين شموا ريحة دخان وصار كل واحد يقول للثاني قم انت .. لا قم انت

<<- حوار حضاري يدور بين اي اخوين بالعالم

قام الصغير A (خضوعا للأمر الواقع ) وشاف دخان يطلع من غرفة الغسيل دخل فصل اسلاك الغسالات والنشافات ورجع للصاله

بتلت ريحة الدخان وسمعت لجتهم بالصاله طلعت قلت وش السالفه قالوا الغساله طلعت دخان

استغربت توني حاطه الملابس ومافيها شي

رحت اتاكد .. لقيت غرفة الغسيل به دخان بس مو منه .. رحت للدرج ابشوف اذا كان جاي من تحت لقيت كتله دخان سوداء متجهه لمي .. صحت باعلى صوتي حريــــــــــــــقه

نغزت Sh وطفت طبلون الكهرب اللي فوق وقومنا امي ( يحول ارتاعت )وصوت لـ M تجي ونزلت

رحت لمصدر الدخان ( المستودع ) لقيت النار شابه فيه

** ( لمحه للاجواء الخارجيه )

مطر شديد + رعد + برق

نرجع .. M وهي نازله مع الدرج كلمت على ابوي ( كان عند جدتي وعلمته بالسالفه )وطلعت للحوش هي وامي وجلسوا بالملحق الخارجي واتصلوا على الدفاع المدني وجلست امي تدعي ان الله يستر ويلطف بنا

و M تكبر ..

F طلع انطلق للأرتداد الخلفي وصكر براميل الغاز

Sh طفت الطبلون التحتي

انا و A انطلقنا للمستودع

رجعوا F&Sh وصاروا ينقلون لنا ماء بقدور كبار من المطبخ ومن مغاسل قسم الرجال وانا و A ناخذهم وندخل نكب على النار

طبعا نسينا شي اسمه نتلطم او نلبس كمامات تقريبا لمدة 10 دقايق وحنا ننقل الماء ونكب

A داخ وطاح على القدر اللي هو شايله وبعدين صحى وكملنا والنار تقل وتزود

** معلومه : اللي يتعرض لدخان الحرائق 3 دقائق يموت .. انتبهوا ” ستر الله علينا ”

#- الحدث من جهة ابوي :

بعد ما  تلقى المكالمه استاذن من جدتي وكان عندهم عمي(A) وطلع

وصل عندنا بعد ما داخ A بشوي صكر الكهرباء عن كامل الفله من المفاتيح الخارجيه وخلى كهرب السور مفتوح

شغل الدينمو وتلطم ودخل للبيت مع A&F

_ طول الوقت وحنا نكلم الدفاع المدني وبمرور 20 دقيقه ولا احد جانا ولا سمعنا اصوات المطافي عشان نقول قربوا

امي عصبت عليهم وبدت تشتم

بالأخير قالوا افتحوا الباب رحت وفتحت الباب ( على مصرعيه )

بعد مرور 40 دقيقه من بداية اكتشاف الحريق خلصنا طفت النار والحمد لله ما طلعت برى المستودع

وبرضوا للحين ما وصلنا امداد من الدفاع المدني

كلموا قالوا نبي الوصف .. قلتلهم خلاص لا تجون ( وش عقبه ) ابوي طفى الحريقه

.. كلمهم ابوي وقال خلاص لا تجون وتشكرهم ( للبروتكلات فقط )

فتحنا كهرب الدور الفوقي ورقينا نفتح الشبابيك عشان تروح ريحة الدخان ..

بعدين فتحنا كهرب الدور الارضي باستثناء المستودع

انا و F & A & Sh صارت وجيهنا سود من الدخان <<- نصلح نمثل مع الهنود الحمر 🙂

#_ جانب اخر : كلم عمي (A) على  عمي (B) اللي يصير جنبنا ( الجدار بالجدار )

وقاله : ان ابو…. طلع مستعجل وقال مر عليه بالبيت شف وش السالفه ..

جا عمي (B) لقى باب البيت مفتوح استغرب..!

صوت ودخل استقبله ابوي وقاله وش السالفه .. تحمد لنا بالسلامه ورحنا جميع نقف على اطلال المستودع

بعدين جلسنا بالصاله وتقهوينا و وشربت اهلي كلهم شراب موسع للشعب لانهم انكتموا من الدخان

وبدا كل واحد يتكلم عن مشاعره و احاسيسه ..


** احرصوا على ان يكون بالبيت طفايه للحريق

عندي سؤال مهم ..

نداء النجده الموجه للدفاع المدني هل هو لتلبية استغاثة المواطن ام للأستمتاع بـ نداء لكل الوحدات؟؟!

عذرا للأطاله ..


ايام الابتدائي كنت اعتقد ان قرآءتي لمجلات الاطفال هي قمة في الثقافه والاطلاع


اما في المرحلة المتوسطه فتطورت وارتقيت الى قصص الانبياء و الخلفاء ومن عاصرهم من الحكماء


اما المرحله الثانويه فكرهت القراءة واكتفيت بالكتب المدرسيه

( تقدرون تقولون اني صرت دافوره بذا الوقت )

واحيانا اقرأ بعض الكتب العلميه ( بيلوجيه او جيلوجيه ) .. وبعض كتب الفضاء


وكنت لا افكر ابد ان اقرأ روايه او كتاب واعتبرها من سابع المستحيلات ..


اقنعتني اختي ان اقرا رواية البؤساء لـ فيكتور هيجو .. ورفضت جدا


وكنت اقول ( اذا حجت البقره على قرونها )

فقالت ما رأيك لو اقرأها لكِ .. استحسنت الفكره ..

فقرأتها .. بمدى ثلاثة ايام ..

اعجبني الاسلوب الروائي جدا .. فـ بدأت بروايات الجيب ( احلاموعبير )


ثم .. قرأت بعض من كتابات الدكتور غازي القصيبي ..


بعدها تطورت لـ اجاثا كرستي .. وعشقت قضايا بوارو ..


قبل ايام .. قرأت مذكرات حب لـ نيكولاس سباركس


والان اقرأ قصب في مهب الريح لـ جراتسيا ديليدا ..

ماذا عن قرآتكم .. اعطوني نبذة عنها ..

يقولون دائما .. ” العيال مالهم وليه “

وعليه .. جتني وظيفه من المقام السامي ( الوالد )


لا حد يسأل كم الراتب لان الراتب شي من البيت

زي هذاك اللي يشتغل بمحل خضره وراتبه كرتون بردقان <<- يرحم

بس انا راتبي يسوى حتى لو انه من البيت بس ولو منب قايله


->> اللحين احد سالتس ؟


الوظيفه سلمكم الله ( شرطية اللابتوبات )

يعني اذا تمت الساعه 12 بالليل <<- متأثره بسندريلا


اروح ادور على اخواني واضف لابتوباتهم واصطرهن عندي على التسريحه


لين يجون بكرى من دوماتهم اللي بالمدرسه واللي بالجامعه

<<- عادله ( عشان محد يقول وش حيث فلان ما اخذتي منه )


وبس .. هذي وظيفتي الخطيره ..

اللي وده اوظفه يجيب ملف اخضر علاقي ويراجع شؤون البيت عندنا

ههههههههههههاااااي 


..

جميل ان نرى البسمه على شفاه الاطفال ..

والاجمل ان نشاركهم ..

وصلني بريد عن احتفال بعض الشباب بالترتيب مع الجمعيه السعوديه لمكافحة السرطان

في مستشفى الملك فهد الطبي لأورام الاطفال ..

في عيد الفطر المبارك

للمشاهده .. هنا


دمتم لابتسامتهم ..

** ارجوا منكم الدعاء لابنت خالتي بالشفاء ..


أغنيات ،،

أكتوبر 2008
س د ن ث ع خ ج
« سبتمبر   نوفمبر »
 123
45678910
11121314151617
18192021222324
25262728293031

المتواجدون ..

tracker

عدد الزوار

free counter

~

125_11219409300

I care

من أج ــلــღـــم ..

      

اكتب عنوان البريد الإلكتروني لمتابعة هذه المدونة واستلام تنبيهات التدوينات الجديدة بالبريد الإلكتروني.

انضم 3 متابعون آخرين

Smoking Killeing you

stopsmoking

Twitter