No0oly96’s Weblog

Archive for the ‘اكشنااااااااااات ..’ Category

~


بدون مقدمات  الصور تكفي ^ـــــ^

،،،،،

،،،،،،،

،،،،،،

،،،،،،

،،،،،،

،،،،،

Advertisements

i’m mac user March 3 , 2010 – Present

First use 🙂

free time ؛)


at work ,,

فتح صب واي


طبعا ماصبرت اول من لبق عندهم انا 🙂

1

قررنا يوم الخميس اننا نكشت و اتفقنا انو تكون الوجهه طريق البدايع

طلعنا بعد صلاة الظهر واخذنا معنا الغدا 

طلعت معنا خالتي اللي احس انها اختي الكبيره (L)

وصلنا الموقع مع العصر تقريبا 

صلينا وتغدينا 

اهم شي ” انتسبنا الغداء بصندوق الهايلوكس (طط) 🙂

انوااااع الذكريات 

بعد العصر راحن الحاريم يمغطن رجلينهن ويتمشن بالسهله 😀

والرجال طقوا الروقات وشبو الضو 

صلينا المغرب وتقهوينا 

” لا يخلو الجو من جدال من يصب ع الثاني عشان الوضوء _ لحمه الغداء بعير _ ” 

وجلسة الاسرة تتسامر بعد القهوه 🙂

ا بآخر الوقت فطسنا من البرد انا ومنوو قعدنا بالسياره

كانت درجه الحراره ٥ ْ م

هذي لقطه اخذتها بعد الغروب 

jbj

 

الصور تغني عن الكلام 

1

 

hbj-copy

 

hgh

 

g-g-copy

 

mnhh-copy

 

jhb-copy

 

untitled-1-copy2

 

b-b-copy1

يوم الخميس بالليل كنا راجعين من عند جدتي وحنا بالسياره فتحنا موضوع الكشته قلنا نبي نكشت مع عمي بكرى الفجر قال ابوي تم .

ومن الحماس نمنا بدري عشان نصير مصحصحين بالكشته .. قومتن امي لصلاة الفجر قمت وصليت وزينا القهوه والشاهي كلمت على بنت عمي قلتله وش صار عليكم قالت توي قايمه انتم وش سويتوا قلت حنا زينا الشاهي والقهوه وبنطلع الحين قالت خلاص 10 دقايق ونجهز

رقيت اجمع شالات واجيب لي كنادر وشراب ( لانه بـــرررررد – درجة الحراره 16 )

دخلت الماسن كلمت TO0OP قلتلها اننا بنكشت قالت: سلمي لي ع الطرفيه 🙂

ركبنا العفش ( مسحاتحطبقهوه وشاهيحافظه للفول …الخ )

قلت لبنت عمي تجيب شابوره وحليب .

طلعنا مرينا الفوال عبينا الحافظه و اخذنا خبز ويوم وصلنا الاشاره اللي عند بيتنا سيارة ولد عمي ورانا

رحنا للطرفيه مع الخط السريع الجديد ..يوم وصلنا للطرفيه فيه بقاله ( بخيمه ) تموينات عريق الطرفيه

اخذنا منهم صامولي وجبن وماء وطبعا بما اننا ماجبنا بوادي للفول ومالقينا بالتموينات جبنا طياس غرش صغار و اكواب كرتون <<- ما تطلع الكشته طعمه الا اذا صار به شي غلط

لقينا مكان حارثينه الشباب بالتخميسات جازلنا وقفنا وفلينا فراشنا الرجال شرق والحاريم شمال <<- فاهمه بالجهات 🙂

تقهوينا وافطرنا وكان قدامنا نفود تقريبا بيننا وبينه 500 متر وهو طويــــــل قررنا ندكه رجل للنفود ونقعد على القمه ( نحسبه قمة افرست من الحماس )

توكلنا على الله ومشينا يوم وصلنا لاول النفود واثر الطاقه رايحه ( لا تنسون ترانا مفطرين فول )

وناخذ عزم ونرقى النفود رقينا وتربعنا على القمه شافتنا امي وجازله خلت الشباب يوصلونه بالسياره لين باب النفود _ من كبار الشخصيات _ يوم بدت ترقى النفود غرزت قالت وشلون رقيتوا وحمسناه ورقت

( ودي اوريكم الصور بس مشفره ) 🙂

المهم قعدنا نسولف شوي بعدين رجعنا وظفينا عفشنا ومشينا على حدود الساعه 10 لان الرجال وراهم صلاة جمعه

وحنا بطريق الرجعه لقينا بعير يتمشى قلنا لابوي نبي ناكله اوقف عنده وصرنا نقطع له خبز ونعطيه حدى المرات من حماسه وهو بياكل الخبزه ظف ايدي معه ببراطمه


وبعدين مرينا على ميدان الهجن وشفنا اللي يتدربون.. وكملنا طريقنا للبيت .

بدأ كاي يوم عادي .. قمت من النوم تقريبا الساعه 8:00 بعد العشاء ( البطاله وما تسوي )

كان عندي سلة ملابس ابغسلهن حطيتهن بالغساله ورحت دوغري على غرفةM ( معلومه هذي الغرفه اخ غرفه بالبيت ) وكانت معنا  Sh

واخواني F&A جالسين بالصاله اللي فوق وكل واحد بحجره الاب ومبحلق عيونه وامي نايمه

قلت لـ Sh تجيبلي القهوه من الصاله( وكعادته تقول طيب وتقعد تذل له شوي)

المهم .. الشابين اللطيفين شموا ريحة دخان وصار كل واحد يقول للثاني قم انت .. لا قم انت

<<- حوار حضاري يدور بين اي اخوين بالعالم

قام الصغير A (خضوعا للأمر الواقع ) وشاف دخان يطلع من غرفة الغسيل دخل فصل اسلاك الغسالات والنشافات ورجع للصاله

بتلت ريحة الدخان وسمعت لجتهم بالصاله طلعت قلت وش السالفه قالوا الغساله طلعت دخان

استغربت توني حاطه الملابس ومافيها شي

رحت اتاكد .. لقيت غرفة الغسيل به دخان بس مو منه .. رحت للدرج ابشوف اذا كان جاي من تحت لقيت كتله دخان سوداء متجهه لمي .. صحت باعلى صوتي حريــــــــــــــقه

نغزت Sh وطفت طبلون الكهرب اللي فوق وقومنا امي ( يحول ارتاعت )وصوت لـ M تجي ونزلت

رحت لمصدر الدخان ( المستودع ) لقيت النار شابه فيه

** ( لمحه للاجواء الخارجيه )

مطر شديد + رعد + برق

نرجع .. M وهي نازله مع الدرج كلمت على ابوي ( كان عند جدتي وعلمته بالسالفه )وطلعت للحوش هي وامي وجلسوا بالملحق الخارجي واتصلوا على الدفاع المدني وجلست امي تدعي ان الله يستر ويلطف بنا

و M تكبر ..

F طلع انطلق للأرتداد الخلفي وصكر براميل الغاز

Sh طفت الطبلون التحتي

انا و A انطلقنا للمستودع

رجعوا F&Sh وصاروا ينقلون لنا ماء بقدور كبار من المطبخ ومن مغاسل قسم الرجال وانا و A ناخذهم وندخل نكب على النار

طبعا نسينا شي اسمه نتلطم او نلبس كمامات تقريبا لمدة 10 دقايق وحنا ننقل الماء ونكب

A داخ وطاح على القدر اللي هو شايله وبعدين صحى وكملنا والنار تقل وتزود

** معلومه : اللي يتعرض لدخان الحرائق 3 دقائق يموت .. انتبهوا ” ستر الله علينا ”

#- الحدث من جهة ابوي :

بعد ما  تلقى المكالمه استاذن من جدتي وكان عندهم عمي(A) وطلع

وصل عندنا بعد ما داخ A بشوي صكر الكهرباء عن كامل الفله من المفاتيح الخارجيه وخلى كهرب السور مفتوح

شغل الدينمو وتلطم ودخل للبيت مع A&F

_ طول الوقت وحنا نكلم الدفاع المدني وبمرور 20 دقيقه ولا احد جانا ولا سمعنا اصوات المطافي عشان نقول قربوا

امي عصبت عليهم وبدت تشتم

بالأخير قالوا افتحوا الباب رحت وفتحت الباب ( على مصرعيه )

بعد مرور 40 دقيقه من بداية اكتشاف الحريق خلصنا طفت النار والحمد لله ما طلعت برى المستودع

وبرضوا للحين ما وصلنا امداد من الدفاع المدني

كلموا قالوا نبي الوصف .. قلتلهم خلاص لا تجون ( وش عقبه ) ابوي طفى الحريقه

.. كلمهم ابوي وقال خلاص لا تجون وتشكرهم ( للبروتكلات فقط )

فتحنا كهرب الدور الفوقي ورقينا نفتح الشبابيك عشان تروح ريحة الدخان ..

بعدين فتحنا كهرب الدور الارضي باستثناء المستودع

انا و F & A & Sh صارت وجيهنا سود من الدخان <<- نصلح نمثل مع الهنود الحمر 🙂

#_ جانب اخر : كلم عمي (A) على  عمي (B) اللي يصير جنبنا ( الجدار بالجدار )

وقاله : ان ابو…. طلع مستعجل وقال مر عليه بالبيت شف وش السالفه ..

جا عمي (B) لقى باب البيت مفتوح استغرب..!

صوت ودخل استقبله ابوي وقاله وش السالفه .. تحمد لنا بالسلامه ورحنا جميع نقف على اطلال المستودع

بعدين جلسنا بالصاله وتقهوينا و وشربت اهلي كلهم شراب موسع للشعب لانهم انكتموا من الدخان

وبدا كل واحد يتكلم عن مشاعره و احاسيسه ..


** احرصوا على ان يكون بالبيت طفايه للحريق

عندي سؤال مهم ..

نداء النجده الموجه للدفاع المدني هل هو لتلبية استغاثة المواطن ام للأستمتاع بـ نداء لكل الوحدات؟؟!

عذرا للأطاله ..


أغنيات ،،

نوفمبر 2017
س د ن ث ع خ ج
« أكتوبر    
 123
45678910
11121314151617
18192021222324
252627282930  

المتواجدون ..

tracker

عدد الزوار

free counter

~

125_11219409300

I care

من أج ــلــღـــم ..

      

اكتب عنوان البريد الإلكتروني لمتابعة هذه المدونة واستلام تنبيهات التدوينات الجديدة بالبريد الإلكتروني.

انضم 3 متابعون آخرين

Smoking Killeing you

stopsmoking

Twitter